bersatu kita kompak berbahasa kita ngapak

KADIPATEN PASIR LUHUR

mendoane — Fri, 08 Aug 2008 05:39:03 +0000

Kadipaten Pasir Luhur, jaman ganu kue salah siji Kadipaten sing mlebu wilayah Kerajaan Pajajaran (Kerajaan Galuh – Kawali).

Jaman Kesultanan Demak dipimpin Sultan Trenggono (Sultan Demak ke III), Kadipaten Pasir Luhur termasuk wilayah Kesultanan Demak sing strategis. Sultan Trenggono mengangkat Adipati Pasir Luhur (sing wektu kuwe dijabat Adipati Banyak Belanak) sing didadekna Panglima Perang wilayah kulon sing wilayahe ngeliputi sekang Karawang ngantek Gunung Sumbing (Wonosobo).

Sebagai salah siji Panglima Perang Kesultanan Demak, Adipati Banyak Belanak olih gelar Pangeran Senopati Mangkubumi I, sementara kuwe Banyak Galeh (Wirakencana) adine, diangkat dadi Patih Kesultanan Demak.

Bar Sultan Trenggono seda, Kesultanan Demak pecah dadi 3 bagian, salah sijine Kerajaan Pajang sing diprentah Joko Tingkir lan ndueni Sultan Hadiwijaya (1546 – 1587). Dong masa kiye, wilayah Banyumasan (termasuk Kadipaten Pasir Luhur) melebu nang kekuasaan Kerajaan Pajang.

Melu-melu kebijakan Sultan Trenggono, Sultan Hadiwijaya ngangkat Adipati Pasirluhur sing saat kuwe dijabat Banyak Galeh utawa Wirakencana, dadi Senopati Kerajaan Pajang lan ndueni gelar Pangeran Mangkubumi II.

Siki Kadipaten Pasir Luhur termasuk wilayah Kelurahan Pasir (Karanglewas), Kecamatan Purwokerto Barat.

BASA NGAPAK

mendoane — Fri, 08 Aug 2008 05:26:50 +0000

Basa mBanyumasan yakuwe: pitutur/omongan sing nganggo sistematika tinentu sing dituturaken masyarakat Banyumasan kanggo makili wujude benda, tingkah/polah, gagasan karo kahanan. basa Banyumasan kiya kadhang diarani basa ngapak-ngapak lan dadi salah sijiné ciri wanci/idéntitas masyarakat Banyumasan.
Basa kiye dituturna nang wilayah Banyumasan utawa wilayah sisi kulon Jawa Tengah. Basa kiye yakuwe salah siji dialek basa Jawa sing esih nduwe kaitan karo basa Jawa kuna utawa basa Kawi. Jumlah penutur basa kiye kira-kira ana: 12 – 15 juta, kiye termasuk wong mBanyumasan sing nang perantauan.

KLASIFIKASI

Nang klasifikasi ilmu basa modern, basa Banyumasan kiye termasuk klasifikasi rumpun bahasa:

Austronesia

o Sub Rumpun Melayu Polinesia

§ Melayu Polinesia Barat

§ Basa Paparan Sundik

§ Basa Jawa

§ Basa Banyumasan.

Sejarah Masyarakat Melayu Jawa

Miturut para pakar basa, minangka bagian sekang basa Jawa, basa Banyumasan kuwe wis ngalami tahap-tahap perkembangan kaya dene:

Abad ke-9 – 13 dadi bagian basa Jawa kuna
Abad ke-13 – 16 dadi basa Jawa abad pertengahan
Abad ke-16 – 20 dadi basa Jawa anyar
Abad ke-20 – tekan siki, dadi salah sijining basa Jawa modern.

(Tahap-tahapan kiye ora berlaku secara universal)

Tahap-tahapan perkembangan kiye dipengaruhi sekang muncule krajan-krajan nang pulo Jawa sing wis nuwuhena budaya-budaya feodal. Budaya feodal kuwe mau sing maraih anane tingkatan-tingkatan basa miturut status sosial. Ning budaya feodal kuwe pengaruhe ora patia gedhe nang tlatah Banyumasan. Buktine, basa Jawa Banyumasan tetep bisa mempertahankan tembung-tembung sekang basa Jawa kuna. Ya kuwe sing nyebabena basa Banyumasan jaman siki bedane mandan akeh karo basa Jawa standar. Masyarakat Banyumasan malah ngarani gaya basa Jawa standar bandhekan utawa basa wetanan (timur).

Miturut M. Koderi (pakar budaya & basa Banyumasan), tembung bandhek kuwe secara morfologis asale sekang tembung gandhek sing tegese pesuruh (suruhan/perentahan), maksude wong suruhan Raja sing diutus maring tlatah Banyumasan. Para pesuruh kuwe nganggo gaya bahasa Jawa wetanan (standar) (Surakarta / Yogyakarta) sing pancen beda karo basa Banyumasan.

DIALEK-DIALEK BASA JAWA

Dialek basa Jawa cacahe ana loro : dialek daerah karo dialek sosial. Sing nyebabena anane dialek loro kuwe merga anane gradasi-gradasi sing beda karo basa Indonesia utawa basa rumpun Melayu Autronesia liyane. Dialek-dialek basa Jawa kuwe gumantung wilayahe, gumantung karaktere karo budaya setempat. Bedane dialek sing siji karo dialek liyane kuwe sekitar 0-70%.

Miturut pendapate E.M. Uhlenbeck, 1964, nang bukune : “A Critical Survey of Studies on the Languages of Java and Madura”, The Hague: Martinus Nijhoff, dialek basa Jawa kuwe kelompok-kelopoke ana telu:

1. Rumpun Basa Jawa Bagian Kulon:

Sub Dialek Banten Lor
Sub Dialek Cirebon/Indramayu
Sub Dialek Tegalan
Sub Dialek Banyumas
Sub Dialek Bumiayu (peralihan Tegalan karo Banyumas)

Kelompok dialek nomer siji kiye lumrahe diarani basa Jawa ngapak-ngapak utawa basa mBanyumasan.

2. Rumpun Basa Jawa Bagian Tengah:

Sub Dialek Pekalongan
Sub Dialek Kedu
Sub Dialek Bagelen
Sub Dialek Semarang
Sub Dialek Pantai Utara Timur (Jepara, Rembang, Demak, Kudus, Pati)
Sub Dialek Surakarta
Sub Dialek Yogyakarta

Kelompok dialek nomer loro kiye lumrahe diarani Basa Jawa Standar, kususe dialek Yogyakarta karo Surakarta (Solo) ditambah Semarang (Joglosemar).

3. Rumpun Basa Jawa Bagian Wetan:

Sub Dialek Madiun
Sub Dialek Pantura Jawa Timur (Tuban, Bojonegoro)
Sub Dialek Surabaya
Sub Dialek Malang
Sub Dialek Tengger
Sub Dialek Banyuwangi (utawa disebut Basa Osing)

Kelompok dialek sing nomer telu kiye lumrahe diarani Basa Jawa Timuran.

Sing dimaksud basa mBanyumasan kiye mencakup sekabehe dialek kelompok basa Jawa bagian kulon sing esih melebu tlatah propinsi Jawa Tengah ditambah dialek Banten Lor karo dialek Cirebon/Indramayu (Crebonan/Dermayu). Telu Dialek: dialek Tegalan, dialek Bumiayu (dialek peralihan) karo dialek Banyumas kuwe biasane digabung dadi siji merga budaya karo karaktere meh pada. Telu dialek kuwe mau uga lumrah diarani basa penginyongan utawa basa ngapak-ngapak sing duwe kosa kata sing mirip banget.

Catetan:

Miturut geografise, tlatah Banten lor karo Cirebon-Indramayu pancen nyata-nyata adoh sekang tlatah Banyumasan. Tapi miturut budayawan Cirebon TD Sudjana, logat basane pancen mirip banget karo basa Banyumasan. Babagan kiye menarik dienggo kajian secara historis.

DIALEK-DIALEK BASA MBANYUMASAN

Dialek-dialek basa Banyumasan utawa sing lumrahe diarani basa ngapak-ngapak, cacahe ana 3; wilayah lor (Tegalan), wilayah kidul (Banyumas), karo wilayah peralihan (Bumiayu).

Wilayah Lor

Dialek Tegalan dituturna nang wilayah lor, antarane Tanjung, Ketanggungan, Larangan, Brebes, Slawi, Moga, Pemalang, Surodadi karo Tegal.

Wilayah Kidul

Dialek kiye dituturna nang wilayah kidul, antarane Karang Pucung, Cilacap, Nusakambangan, Kroya, Ajibarang, Purwokerto, Purbalingga, Bobotsari, Banjarnegara, Purwareja, Kebumen karo Gombong.

Wilayah Peralihan

Sub dialek kiye dituturna nang Bumiayu karo sekitare.

TATAR NGAPAK

mendoane — Mon, 04 Aug 2008 20:01:33 +0000

Jawa Tengah salah sijine propinsi sing ana neng Indonesia ndue pirang-pirang ragam basa lankabudayan. salah sijine ana nang daerah Jawa Tengah bagian kidul-kulon. Neng daerah kono basa sing dienggo sejen dieleke karo basa daerah liane sing ana neng Jawa Tengah. Basane kue biasane terkenal karo sing jenenge basa NGAPAK. Akeh sing ngomong nek basa ngapak kue,luwih tua sekang basa jawa. Daerah sing nganggo basa ngapak kue banyumas, cilacap, purbalingga, banjarnegara, kebumen bagian kulon.

salah sijine kesenian sing ana nang tatar ngapak jenenge ebeg. Ebeg nek miturut critane kue jenis ibing-ibingan sing nyritakna latian perang wektu semono. Ebeg biasane dimaina nang wong 5 – 8. biasane di iringi karo tabuhan gendanglan kanca-kancane. Ebeg biasane ya ana sing kesurupan, nek dolanan ebeg suene antara 15-20menit.

panganan sing khas sekang tatar ngapak jenenge mendoan. mendoan kue digawe sekang tempe tipis digoreng karo trigu setengah mateng, dipangan pas anget karo nyigit lombok iji.

Tempe Mendoan

mendoane — Tue, 29 Jul 2008 13:23:46 +0000

Tempe Mendoan adalah sejenis masakan tempe yang terbuat dari tempe yang tipis, dan digoreng dengan tepung sehingga rasanya gurih dan renyah. Secara tradisional di wilayah Banyumas, tempe yang digunakan untuk mendoan adalah jenis tempe bungkus yang lebar tipis, satu atau dua lembar perbungkus. Aakan tetapi tempe mendoan juga dapat dibuat dari tempe biasa yang diiris tipis-tipis namun lebar.

Bahan:
- 300 g tempe, iris lebar tipis 10×15 cm
- 2 batang daun bawang, iris halus
- 100 g tepung beras
- 1 sdm tepung terigu
- 125 ml air
- minyak goreng

Haluskan:
- 2 siung bawang putih
- 1 butir bawang merah
- 1 sdt ketumbar
- Â½ sdt merica butiran
- 2 sdt garam

Cara membuat:
- Aduk tepung dengan bumbu halus, daun bawang, dan air hingga rata.
- Celupkan tiap potongan tempe dalam adonan tepung.
- Goreng dalam minyak panas dan banyak hingga adonan tepung membeku tetapi belum mengeras, matang tetapi tidak kuning atau kering. Angkat, tiriskan.
- Sajikan hangat dengan sambal kecap rawit. Untuk 12 buah.

LOKAWISATA BATURRADEN

mendoane — Tue, 29 Jul 2008 13:16:23 +0000

pemandangan baturaden

mendoane — Tue, 29 Jul 2008 13:06:30 +0000

SUGENG RAWUH

mendoane — Tue, 29 Jul 2008 12:44:11 +0000

Sedulur kabeh sing nang endi ora, muga muga kabare sampean pada siki lagi sehar tur bergas. amin.

kie ana makanan khas asli banyumasan (banyumas, cilacap,purbalingga, banjarnegara, kebumen, lan sekitare) mendoan. mendoan paling enak di maem nganggo cengis.